اعرفي ابنك 😍

• اعرفي ابنك من غير أسئلة من غير ضغوط بطريقة بسيطة اي ام عايزة تعرف ابنها بيفكر في ايه، بيخاف من ايه، بيحب ايه وبيكره ايه، وبيحب مين أكتر بابا والا ماما.. جواكي أسئلة كتيرة، الموضوع بسيط. 
• ممكن تعرفي من غير ما يحس منك انك بتحاولي تعرفيه، فبالتالي يحمي نفسه، لانه يشعر انكي تهاجمي حقوقه، خاصة ان الجيل ده ذكي جدا، و لذلك لازم تعرفي ابنك لكي تعرفي تحميه من العوامل الخارجية ومن المؤثرات الضارة. 
• اولا اتفقي بينك وبين نفسك ان اي نتيجة لازم اكون مستعدة لها وانك لن تعاتبي ولن تلومي ابنك ولن تاخذي موقف فوري، ولكن ستفكري في الأمر جيدا، ويكون موقفك مدروس. 
• ثانيا يكون رد فعلك  عادي وبسيط، تتقبلي الأمور كما هي، وليست كما تريدين، حتي تستطيع حل المشاكل التي تواجه ابنك، وتواجهك دون الدخول في مشدات مع صغيرك. 
• ثالثا أنتي هتعرفي ابنك بطريقة غير مباشرة، فتعاملي علي انك بتحكي قصة وكوني هادئة.. حتي لا ياخذ الطفل  منك موقف معادي ويفهم رغبتك في معرفته، فبتالي هيأخذ حذره بعد كده، ويعتبرك عدو يحاول التدخل في حدوده الداخلية الخاصة، ويسمعك مايرضيكي، وليست الحقيقة، فلا تصلي الي اي نتائج حقيقية. 

الحل عبارة عن قصص بسيطة مثالا؛

*ترغبي في  معرفة ابنك بيحب مين أكتر بابا والا  ماما هتحكي حكاية العصفورة وهي 

"كان هناك شجرة يوجد عليها ٣ عصافير، عصفور الأب  وعصفور الأم  والعصفور الصغير ابنهم، وهبت رياح قوية فطارت العصفور الأم علي شجرة، والعصفور الأب على شجرة.. تفتكر العصفور الصغير طار الي  أي شجرة اللي عليها العصفور الأم ام العصفور الأب ؟" 

حسب الاجابة ابنك هتعرفي تحددي ابنك  بيحب مين اكتر، وبتالي تدرسي الأسباب. 

* عايزة تعرفي ابنك بيخاف من ايه هتحكي قصة الطفل الصغير وهي" كان هناك طفل صغير خاف ويبكي.. تفتكر خايف من ايه؟ "

وهكذا اخترعي قصص وأسالي ابنك وسوف تعرفي ابنك بطريقه غير مباشرة، ومن غير ما يعتبرك فضولية، او حتي يكذب عليكي، أو تدخلي معه في مناقشات تؤدي الي العناد او غيره. 

وانتي بذكائك سوف تقدري تحلي المشاكل، وتقفي جمبه من غير هو مايعرف ودايما هتكوني سند له .

موت وحياة 33

نادية؛ شيك ايه.

مصطفي؛ نهاية الخدمة. 

نادية؛ ان كده ماشي، لكن أخد فلوس منك ليه أنت عايز بابا يقتلني. 

مصطفي ؛ لا طبعا، أنا عايزك. 

نادية (بابتسامة) ؛ طيب يلا سلام. 

مصطفي؛ سلام ايه؟.. أنتي رايحة فين. 

نادية؛ أنا رايحة البيت.

مصطفي؛ ده آخر يوم كمليه معاية لآخر. 

نادية ؛ الساعة ٣ يافندم. 

مصطفي ؛خلاص هروحك. 

نادية ؛ لا طبعا، أنت عايز بابا يزعل مني. 

مصطفي؛ طيب هتوحشيني. 

* ذهبت نادية إلي المنزل وانشغلت في تجهيز نفسها، فمر الشهر سريعا حيث نادية كانت تذاكر لعلياء وتجهز للعرس، لدرجة انها كانت لا تتكلم مع مصطفى، الا عندما يتصل بها وكان كلامهم محدود لانشغال نادية. 

* كان مصطفي يقدر ضغط الوقت، ولكن كل ماكان يهتم به ان نادية سوف تكون عروسته اليوم، كان يشعر بسعادة رهيبة. 

نادية كانت تشعر بالخوف والسعادة في نفس الوقت، فأول مرة تشعر بحب شخص لها وهي تبادله المشاعر. 

* كان يوم العرس ملئ بالمفاجات لنادية حيث مصطفي عمل لها فرح خيال زي ماكانت بتحلم به، كان مصطفي يسال علياء وأيمن ويوسف عن كل شيء يخص نادية وعرف كل حاجة عنها. 

* كان دائما يعمل كل حاجة بتحبها كان بيحاول ييعدها بكل شكل، ونادية كذلك.. فكانت حياتهم عبارة عن سفر وخروج، وكانت في نفس الوقت تهتم بعائلاتها وهو يهتم بها.

وبعد 6 شهور. 

نادية ؛ أنت رايح فين يامصطفي. 

موت وحياة 32

*نادية جلست علي الكرسي بعد خروج مصطفي وقالت.

نادية ؛ قال مش هيخرجني من الشركة هو فاكر نفسه مين صاحب الشركة.

* وابتسمت لما هي تقوله ماهذا الهبل؟. 

إذا مصطفي يدخل مسرعا. 

مصطفي ؛ أها صاحب الشركة ياختي، واخش اي مكتب برحتي من غير اما اخبط. 

* وقرب من المكتب وابتسم لها. 

ممكن قلم تاني ايديك جميلة اوووي. 

نادية ؛ لا انت بعد كده مش هتاخد بالقلم انا هفتحلك دماغك علطول، ولا اقولك انا مش جايه الشركة تاني. 

مصطفي ؛ هحبسك بشرط الجزائي، انت مجنونة انا لازم اشوفك كل يوم. 

نادية؛ لا أنا اللي هبحسك يامزور، وخلاص انا مش هاجي تاني عشان انا عروسة ولازم اجهز. 

مصطفي برقة ؛أحلي عروسة يااخواتي. 

نادية ؛ اتعدل لحسن اكسر دماغك وحتي تبقي فرصة حلوة عشان نأجل الفرح واجهز برحتي. 

مصطفي ؛ لا وعلي ايه. 

نادية ؛وشهر ايه ده اللي هجهز فيه. 

مصطفي ؛ أنتي عايزه ايه أنا قولت شهر لابوكي، بس أنا مش عارف جهاز ايه اللي أنتوا مساكين فيه الفيلا وجهازه من كل حاجة، ولو حاجة معجبتكيش أو حبيتي تغيري الديكور بعد الجواز أنتي حرة. 

نادية؛ ولبسي ومكياجي وحاجاتي الخاصة، أنا عروسة علي فكرة ولازمني حاجات . 

مصطفي ؛ لا ان كده اجي معاكي بقي نختار اللبس. 

نادية ؛ لا طبعا.. غير الكوافير وغيره وغيره. 

مصطفي ؛ خلاص شوفي لو عزتي مني حاجة كلميني، وأنا أمرت الحسابات تصرفلك شيك خديه وأنتي ماشيه، ولو عزتي فلوس أو أي حاجة كلميني. 

موت وحياة 31

مصطفي؛ بصي يا ست البنات، أنا كلمت بابكي في التليفون وطلبت اقابله وأخدت منه معاد، ورحت طلبت ايديك وكان أخوكي أيمن حاضر، وبابكي قالي هأخد رأي نادية.. بس أنا اقترحت اننا نعملها مفاجأة ليكي ، بس ده بعد أما طلع عيني أنا وأخوكي أيمن، بس الحمد لله في الآخر وافق.. ثم اشترك جميع أفراد العصابة في التحضير، وكانت علياء هي مركز التخطيط واحنا بصراحة كنا بنفذ.

أما بقي بنسبة لشرط الجزائي ده فكرة أنا اختارعتها ولعبت في العقود عشان بجد مكنتش قادر اتخيل فكرة بعدك عني، او انه ممكن يعدي يوم من غير ما شوفك. 

وإن شاء الله ربنا يقدرني ودايما اسعدك واعملك اللي عمرك ماتخيليه، فكرة ابتسابتك بس شمس بتنور بنسبالي، وهعوضك عن اي يوم وحش أو صعب مريتي به هعوضك عن كل حاجة. 

* وقرب منها ومسك ايديها وقال لها.

مصطفي ؛أنتي حلم بنسبالي.

 * وقبل يديها برقة وحب. 

* كانت الصاعقة لمصطفي انه وجد قلم ينزل علي وجهه دونأي مقدمات، ومصطفي كان الشرارة يخرج من عينه. 

نادية (ابتعدت عنه) وقالت؛ القلم ده يفكرك اننا مخطوبين مش متجوزين عشان متصدقش نفسك. 

* مصطفي اقترب منها ورفع يديه علي وجهها ثم سحب يديه وبكل غيظ قال لها. 

مصطفي؛ أنتي لو عملتي كده تاني، مش هتخرجي من الشركة فاهمة. 

* وتركها وخرج. 

موت وحياة 30

*دخلت نادية مكتبها، وانشغلت بعملها، إذا تليفونها الخاص يرن. 

نادية؛ السلام عليكم. 

مصطفي؛ عليكم السلام ورحمة الله وبركاته. 

نادية؛ جبت رقم التليفون ده منين. 

مصطفي؛ ده معايه من زمان بس كنت بحترم خصوصيتك، صباح الجمال.

نادية؛ احنا الظهر. 

* باب المكتب يدق ونادية أعطت أمر للذي يدق الباب بالدخول ، ثم استأذنت من مصطفي، طالبة لحظات لتنهي شئ، تحدثت مع الموظف عن العمل، وعادت تتحدث مع مصطفي علي الهاتف . 

مصطفي؛ أنتي في الشركة. 

نادية ؛ ده من الصبح.

مصطفي؛ أنا هلبس وجيلك يامجنونة. 

* مصطفي لبس وكان في قمة شياكته،يرتدي بدلة رصاصي، وذهب مسرعا إلي الشركة، وعندما دخل الشركة كان الجميع ينهئه ويشكر في نادية، أما مصطفي فكان نفسه يهرب منهم بسرعة، وكان كل تفكيره في نادية، كيف سوف تتحدث معه؟ ، وكيف هتتعامل معه؟ ، وأخيراً طفلته أصبحت له، تخلص مصطفي منهم وذهب إلي مكتب نادية، خبط ودخل علطول. 

نادية ؛ أي في حد يدخل على حد كده.

مصطفي ؛ ايه خطبت علي فكرة  ووحشيتني.

نادية؛ بس بقي أولا احنا في الشغل.. ثانيا احنا مخطوبين مش متجوزين يعني أي تجوزات مش مسموح بيها. 

مصطفي؛ في ايه نادية، بين المخطوبين عادي وحشتيني.. بحبك.. أنتي جميلة أوي انهارده.. وامبارح كنتي قمر بزيادة.

نادية وهي ترفع حاجبها؛ شكلك مش ناوي علي جواز، وناوي علي فشكله. 

مصطفي ؛ لا ياختي هو الشهر، هحاول امسك نفسي، أنتي جيتي الشغل ليه انهاردة، وتيجي ليه اصلا يدوب تجهزي. 

نادية ؛ شاطر.. جيت عشان الشرط الجزائي،وعشان اعرف جهزت ازاي للخطوبة دي وقابلت بابا ازاي، بجد المفاجأة فظيعة، أنا عمري ماحد عمل حاجة عشاني. 

موت وحياة 29

*تاني يوم  و نادية ذهابه  إلي العمل، تحدث معها والدها.

صلاح؛ لماذا سوف تذهب إلى العمل يا نادية؟ 

نادية؛ أنا كل اللي باقي ليا ٣ اسابيع في العمل.

صلاح؛ بمناسبة ٣ أسابيع أنا اتفقت أنا ومصطفى لو وافقتي علي الخطوبه الجواز بعد شهر من الخطوبة.

نادية؛ مالك عايز تخلص مني، أنت أما صدقت وله ايه.

صلاح ؛أانا مش عايز حد يتكلم عليكي، لا في شغلك ولا في أي حته، أنا واثق فيكي يانادية، ومفيش أم في البيت عشان تطول فترة الخطوبة ويفضل داخل وخارج، أنتي فاهمني يانادية.

نادية ؛ أنا فاهمة يابابا بس مستغربة المدة قصيرة، وعلياء لسه في الثانوية العامة، ومش هلحق اجهز.

صلاح ؛ هو أسبوع فاضل علي امتحانات علياء ، وأول ماتخلص هنعمل الفرح، بنسبة للجهاز هو قال انكم تجهزوا أحسن مع بعض بعد الجواز لأن أنا رافض الخروج الكتير، وهو كان متفهم.

نادية ؛ اللي تشوفه يابابا.

صلاح؛ ربنا يسعدك يابنتي. 

نادية ؛ ربنا يخليك ياحن واطيب أب، يلا سلام عشان الحق الشغل. 

صلاح؛ خلي بالك من نفسك، ومش هوصيكي يانادية، مفيش حاجة مضمونة بكرة بتاع ربنا، حافظي علي نفسك. 

نادية؛ متخافيش بنتك بميت راجل،سلام عليكم. 

* ذهبت نادية إلي العمل، وعندما وصلت الشركة كان الجميع  يهنئها بالخطوبة. 

* ولكن نادية كانت تري في اعينهم، من كان يحقد عليها، ومن كان يكرها، ومن يقول.. انه فترة وهتعدي في حياة مصطفي.. نادية كانت تشعر بهم ولكن لم تهتم، فهي الفتاة القوية الشجاعة . 

موت وحياة 28

*نزلت نادية السلم كأميرة كان الجميع ينظر لها، أما مصطفي فكان مبهور بجمالها لدرجة انه لما يفعل شيء الأ النظر لها وهي تنزل السلم وكان قلبه يدق بشدة وخايف، فعلياء شعرت بما يحدث وذهبت إلي مصطفي.

علياء ؛ اعمل حاجة هتبوظ كل اللي عملنا. 

مصطفي بالتوتر؛ حاضر حاضر.. اعمل ايه أختك اللي جميلة. 

* مصطفي في الميكرفون طلب البدء، فنزلت في وسط الاستدج بالونات كثيرة وبانر كبير مكتوب عليه

"ارجوك اعطفي عليا واتجوزيني يا نادية "

*نادية وقفت عندما رأت هذا المنظر ولم تقدر ان تمنع نفسها من الابتسام ثم أكملت نزول السلم.

* أما مصطفي عندما رأي ابتسامتها، ابتسم هو أيضا ثم نزل علي ركبته واخرج خاتم 💍.

* كانت نادية وصلت عند مصطفي أخر السلم، ولم تعطي أي رد فعل اكتفت بالبحث عن والدها وسط الوجوه المحبوبة والمقربة إلي قلبها، أخيراً تجد والدها وحركت رأسها..اعمل ايه.. فهز والدها رأسه لها بالموافقة. 

* كان مصطفي في هذه اللحظة يشعر بالخوف الشديد، وشعر للحظة انها هترفضه، فكانت عينيه هتدمع. 

* فأعطت نادية يديها لمصطفي دون أي كلام، فابتسم مصطفي وشعر أن روحه ردت إليه. 

* وضع  مصطفي  الخاتم في أيد نادية اليمين، فعمت الفرحة المكان،واشتغلت الأغاني وفرح الجميع ورقص الجميع، وكانت نادية سعيدة جداً رغم خجلها.