صعوبات تعلم

*ياجماعة في حاجة اسمها صعوبات تعلم لابد من رعايتها، يعني لا يجب ان يكون ابنك أو ابنتك بيعاني من صعوبات تعلم وحضرتك تهدمي في شخصيته عن طريق كلام مثل" أنت خايب" "أنت مش نافع" "أنت أنت" وتجعل من طفلك فاشل ومحبط.

*صعوبات التعلم؛ هي مشكلة أو صعوبة بيواجها الطفل في انه يكتسب معلومة أو معرفة. 

*علي فكرة هو بيحاول وبيعمل كل اللي يقدر عليه حتي يرضيكي بس هي دي قدراته بمعني انك اللي بتطلبيه منه أقصي من قدراته. 

*لازم اعرف ابني بيعاني من صعوبات تعلم وله لا.. ولو بيعاني منها اعمل ايه، لو اكتشفتي ان ابنك"بيتشتت" منك وأنتي بتذاكري معه أو" بيحفظ ببطيء"أو "بيفهم بصعوبة" يبقي ابنك ممكن يكون بيعاني من صعوبات تعلم.

-أولا : في كل الحالات مفيش طفل غبي في أم  مش فاهمة ابنها. 

-ثانيا :كل صعوبات التعلم عايزة صبر وطوالت بال. 

-ثالثا :

لو هو بيحب حاجة معينة اجعليها وسيلة مساعدة يعني مثلا بيحب الرياضيات عن العربي يبقي استخدمي الرياضيات في مذاكرة العربي واشرحي بأمثلة رياضيات وهكذا. 

اعتمدي علي الفهم مع طفلك، لان اللي بيعاني من صعوبات تعلم مش هيعرف يحفظ ويعطيكي نتيجة غير بالفهم والفهم اللي بطرقته هو مش فهمك أنتي.

صعوبات تعلم