حب في الحظر 😍 😍 6

*حمزة يتصدم من ردها، وشعر انه ثقيل عليها، ومش فاهم لماذا هي تقول هذا؟، ولماذا تفعل معه هذا؟ ، وهما مخطوبين.

حمزة ؛ماشي يايارا اللي تشفيه.

*يارا تشعر بحزن حمزة، وانه اتجرح من طريقتها، فتقفل باب العربية وتقول له.

يارا؛ أنا أسفة ياحمزة، بس بابا قالي بلاش كلام في التليفون ولو في يكون علي قد. 

حمزة( باستعجاب) ؛ احنا مخطوبين. 

يارا ؛ حمزة أنا عايزة اقولك كلام كتير عني عشان تفهم تصرفاتي وتعرفني أكتر، ابقي تعالي زارنا بكرة وأنا أقولك كل حاجة. 

حمزة؛ ممكن كل الكلام يتقال في التليفون يايارا. 

يارا ؛ أنا أسفة ياحمزة.. بس من فضلك اصبر وافهمني. 

*حمزة يهز رأسه بالموافقة ،ويسير بالسيارة مسرعا من أمامها، يارا تصعد إلي المنزل وتدخل تغير هدومها وتنام، في الصباح تخبر يارا والدها وأمها انها عزمت حمزة علي الغداء، وتطلب من والدها ان يؤكد العزومة.

ابو يارا ؛ عزمتيه ليه يايارا مش تعرفني الأول، وحتي تيجي مني مش منك.. عيب كده يابنتي. 

يارا ؛ أسفة يابابا، أصل حمزة كان عايز نتكلم في التليفون وأنا مش حبه كده، وعشان كده قلت يجي نتكلم أقدمكم وافهمه دماغي. 

ابو يارا ؛ ماشي يايارا. 

أم يارا؛ قدامي علي المطبخ نعمل ليه غداء يااخرة صبري. 

*يتصل ابو يارا بحمزة ويؤكد عليه العزومة.. يأتي حمزة ويحمل ورد وفاكهه وهديةبسيطة.

ابو يارا ؛ ملوش لزوم الكلام ده تيجي فاضي بعد كده وله هزعل منك، وكمان عايزنكم تخلصوا بسرعة عايزين نفرح بيكم. 

حمزة؛ حاضر ياعمي. 

*يوضع الغداء ويتجمع الجميع علي السفرة، يارا كانت جميلة ترتدي بجامة بامبي وشعرها ديل حصان وترتدي توكه بامبي زي الاطفال، حمزة كان يختلس النظر لها من كل حين لأخر.. يشبع حمزة ويقوم من علي الأكل.

أم يارا ؛ كمل الأكل وألا الأكل مش عجبك. 

حمزة ؛ لا ده الأكل جميل. 

يارا( وهي تبتسم) ؛ عمايل ايديه، كمل أكل بقي عشان شكلي قدامهم. 

حمزة( يبتسم) ؛ تسلم ايديك بس أنا شبعت وأكتر من كده هنفجر.

*يجلس يارا وحمزة في

غرفةالجلوس. 

حب في الحظر 

حب في الحظر 😍 😍 5

*حمزة حاول ان يمسك يد يارا لكي يذهبوا إلي السيارة .

يارا؛ عارف لو مسكت ايدي هديك بالبوكس في وشك، اخلي وشك شوارع. 

*حمزة يضحك بشدة.

حمزة؛ هتقدري تخلي وشي شوارع.

يارا ؛ أها اقدر ليه مقدرش صغيرة.

حمزة ؛ طب يلا قدامي، بدل مااشيلك أخدك علي المأذون  دلوقتي حالا، عشان اشوف موضوع تقدري ده. 

*يارا كانت تسرع خطواتها أمامه لدرجة انها تصل للجري، وحمزة يضحك عليها.. ثم وصلوا إلي السيارة .

يارا؛ دي العربية. 

حمزة؛ اها هي دي. 

يارا؛ مش حلوة على فكرة عربيتي أحلي. 

*حمزة فتح لها باب السيارة . 

حمزة ؛ اركبي اركبي دي أحدث موديل ياهانم.

*يارا بعد ما ركبت السيارة وحمزة ركب هو الآخر السيارة، (قالت يارا وهي تصتنع الحزن) . 

يارا ؛ قصدك ايه ان عربيتي قديمة.

حمزة ؛ لا ياحبيبتي.. وان شاء الله أول مانتجوز اجيبلك أحدث عربية ياستي. 

يارا ؛ حبك  برص، لا أنا بحب عربيتي أوي. 

*حمزة اقترب من وجهها ورفع يديه ليضربها ثم ضم يديه مرة أخرى، وكتم غيظه.

حمزة ؛ لو طولتي لسانك تاني مش هيحصلك طيب.. وليه بقي بتحبي عربيتك. 

يارا ؛ لا أنت تنزلني هنا.. ده أنا مفيش غير لسان.

*حمزة يضحك بشدة، ويقول.

حمزة؛ خلاص ماتزعليش بس أنا ظابط ومتعود الناس تحترمني وكده، ده بعد اذنك يعني. 

يارا؛ ماشي هفكر.. بص ياسيدي العربية دي بابا جبها ليا أول ماتخرجت وقالي( عشان تروحي بيها المستشفي) ، وعلمني السواقة عليها. 

حمزة؛ شكلك بتحبي بابكي جدا. 

يارا ؛ ده أحسن حد في الدنيا كلها، أحلم بس وهو يحقق حلمي وبيجي علي نفسه عشاني، وبيدافع عني لما ماما تحب تقرص وداني. 

حمزة ؛ أنتي جميلة أوي. 

*يارز وجهها يحمر من الخجل وتقول له. 

يارا ؛ وصلنا الحمد لله. 

حمزة؛ ياخسارة هبق اكلمك في التليفون نكمل كلمنا. 

يارا؛ لا.

حب في الحظر

حب في الحظر 😍 😍 4

يارا؛ يابابا.

حمزة ؛ ياجبانة. 

ابو يارا؛ في ايه تاني لاحقتوا تتفقوا. 

يارا ؛أنا موافقة علي أي حاجة تتفقوا عليها يابابا. 

*خرجت يارا من غرفة الجلوس، وهي خارجة اخرجت لسانها لحمزة. 

حمزة لنفسه؛(عيله عيله مفيش كلام) . 

*اتفقوا هو والدها علي كل شي وان الخطوبة بعد أسبوع والفرح بعد انتهاء الحظر. 

*انتهي الأسبوع سريعا فكلا منهم كان مشغول في عمله والتجهيز للخطوبة. 

حمزة؛ مبروك ياقلبي.

يارا ؛ خلاص كده الدبلة لبستها.. شيل أيدك بدل مااقطعها.

حمزة ؛ في واحدة تقول كده لخطيبها يوم الخطوبة. 

يارا؛ أنا مش قلت يبقي في عادي، واحمد ربنا اني سيبتك تلبسهالي. 

حمزة؛ امال مين هيجي لبسهالك. 

يارا ؛ أنا.. هو أنا صغيرة،ده حتي شاطرة وبعرف ألبس الخواتم لوحدي. 

حمزة؛ (وهو يضحك) ماشي يعم الجامد.. بس ايه القمر ده. 

*كانت يارا ترتدي فستان كشمير اعطا سمرتها جمال وميكاجها البسيط زاد من جمالها وشعرها الذي كان علي كتفها يخطف النظر.

يارا (لتغير الموضوع) ؛ ايه في حد يتخطب كده. 

*كانت تشاور علي النادي.. الخطوبة كانت في نادي لايوجد الأ عدد قليل جدا من أهل حمزة وأهل يارا وهو عدد قليل جداً ، ولايوجد موسيقي، وكانت تقام الساعة ٣ مساء.

حمزة؛ اعمل ايه يعني دي ظروف البلد اعترضي بقي عشان احبسك.

يارا؛ وعلي ايه ياخوية أنا صغيرة علي الحبس. 

حمزة ؛ أنتي كده كده هتتحبسي. 

يارا ؛ ليه ان شاء الله. 

حمزة؛ في بيتي ان شاء الله. 

يارا (وجهها أحمر من الخجل) ؛ يابابا. 

حمزة ؛ هو أنتي كل أما تتزنقي يابابا. 

يارا ؛ اها.. (واخرجت لسانها له) . 

ابو يارا؛ نعم ياخرة صبري. 

يارا ؛ الساعة ٥.. صح ياحضرت الظابط. 

حمزة ؛ اها يلا بينا.. "ونظر لليارة نظرة خبيثة وابتسم" وبعد اذنك ياعمي  أوصل يارا أنا. 

ابو يارا؛ ماشي يابني،بس تكون في البيت قبل الحظر. 

يارا؛ ايه يعم أنت امسك فيا شويه. 

ابو يارا؛ حمزة شاب محترم وواثق فيه.. وواثق أكتر في تربيتي ليكي، وكمان لازم تعرفوا بعض.

حب في الحظر

حب في الحظر 😍 😍 2

يارا ؛ مكنش العشم ياقمر.

*حمزة أسمر البشرة عيونه خضراء مفتول العضلات. 

حمزة ؛ أنتي لمضة أوي، ازاي بجد دكتورة. 

يارا  ؛ أنا بحب الهزار والضحك، من كتر اللي بشوفه في المستشفى، بقيت مقتنعة ان الدنيا قصيرة جدا. 

حمزة؛ أنتي دكتورة في ايه بقي. 

يارا ؛ دكتورة في قسم الطوارئ حضرتك. 

حمزة؛ ياعيني يابنتي. 

يارا  بغمزة؛ صعبت عليك ها، يبقي الصنارة غمزت. 

حمزة؛ أنتي واقعة بقي. 

يارا  ؛ جدا أنت بصيت في المرايا قبل ما تطلع من البيت، أنت عينك خضراء يابني. 

حمزة وهو يضحك ؛ ياسلام. 

يارا ؛ عارف  أنا لو عيني خضراء كنت عملت ايه، كنت عيشت بره مصر، في شرم الشيخ مثلا.. ياه ياجدع. 

حمزة ؛ وهو بيضحك من قلبه أنتي مصيبة وبعدين شرم الشيخ جوه مصر. 

يارا ؛ بجد "وهي تخبت ايديها علي رجلها" محدش قالي. 

حمزة؛ لا أنتي مشكلة. 

*كان ه امين الشرطة آتي إليهم ومعه كارنية يارا، فوقفت يارا  بسرعة، وذهبت إلي أبيها، وقبلت يديه واعتذرت له، فوجئ حمزة من موقف يارا اتجاة والدها.. وشعر بمدي احترامها وتقديرها لوالدها. 

حمزة؛ شكرا يافندم ومتأسفين لو نزلنك وقت الحظر. 

ابو يارا ؛احنا اللي أسفين يابني،ويلا يايارا جري علي شغلك أنتي عندك رسالة لازم تأديها. 

* يارا ذهبت إلي سيارتها مسرعة وذهبت الي المستشفى دون ان تودع حمزة وذلك ضايقة جدا، وووالدها سلم عليه واعتذر له وذهب. 

*حمزة فضل يفكر في المجنونة التي خطفت قلبه وكان يشعر بالحزن لانها تركته وذهبت دون ان تسلم عليه. 

*وكانت يوميا يارا  تمر من الكمين وتسلم علي حمزة  وتهزر معه وتذهب إلي عملها وهو يظل يفكر فيها، وكانت هي كمان تفكر فيه. . لحد اما يوم حمزة قالها.

حمزة ؛ بحبك وعايز ارتبط بيكي. 

يارا ؛ حضرتك شايفني كده شكرا ياحضرة الظابط أنا بنت ناس واللي متردهوش علي نفسك متردهوش علي غيرك، وشكرا أوي. 

* وسارت بسيارتها  مسرعة ، حمزة لم يكن يعرف ماذا يفعل، مر أسبوع ولم تمر يارا  من الكمين، وهو مشتاق جدا لها، فكر وقال سوف اذهب إلي  المستشفى واعرف عنوان منزلها، وفعلا فعل  ذلك.

حب في الحظر

مع

حب في الحظر 😍😍 1

*كانت تسير بالعربية مسرعة لتقف في الكمين، ويتقدم الظابط وهو غاضب جدا.

*تنظر له يارا وتقول وهو يتقدم نحوها.

يارا ؛ ياخربيت لون عينيك. 

يسمعها حمزة فيبتسم ،ولكن بشدة يقول. 

حمزة؛ الرخص ياانسة ورايحة فين وقت الحظر.

يارا؛ اتفضل الرخص، بنسبة بقي لرايحة فين انت مالك. 

حمزة؛ نعم يااختي. 

يارا؛ لا بقولك ايه اتكلم بااسلوب احسن من كده والا هبلغ عنك. 

حمزة؛ وهو يضحك انا كمان اللي هتبلغي عني،انتي شاربة ايه. 

يارا ؛ عصير برتقال وانا مبحبوش .. والله ماما اللي غصبه عليا، يع.

حمزة ؛ انتي هتحكي ليا قصة حياتك، رايحة فين، وله هخدك القسم دلوقتي. 

يارة؛ براحة علي نفسك، انا غلطانه اني بتكلم معك، انت هتصحبني.. انا ياسيدي دكتورة وعندي شيفت في المستشفى اللي في اخر الشارع. 

حمزة؛ بتريقة.. دكتورة. 

يارا ؛اها دكتورة. 

حمزة ؛ ممكن الكارنية يادكتورة. 

يارا؛ اها طبعا. 

*تبحث يارة عن الكارنية ولن  تجده، فتبلع رايقة بصعوبة وتقول. 

يارا؛ طبعا دلوقتي هتاخدني علي القسم تشلوحني، وطبعا ليك حق، كفاية طولت لساني.. ودي طبعا مش اخلاق دكاترة. 

حمزة ؛ وهو يضحك ايوة انتي شاطرة وعارفه اهو. 

يارا ؛ طبعا ولو حلفتلك علي مياه تجمد مش هتصدقني. 

حمزة ؛ اها ده انتي هيطلع عينك. 

*يارا وبدات تصتنع البكاء وتقول . 

يارا ؛ انا والله دكتورة وهتصل بابا يجيب الكارنية ويجي ياباشا. 

حمزة؛ وهو يضحك طيب اركني وتعالي اقعدي في الكمين لحد اما باباكي يجي. 

*يارا اتصلت باابيها وهو زعق لها في التليفون وقالي جاي وهي ركنت وراحت اقعدت في الكرسي اللي جمب حمزة. 

حمزة ؛ انتي دكتورة انتي. 

يارا ؛ عادي يعني، زي ماانت حلو  وشبه الممثلين وظابط. 

حمزة ؛ وهو يبتسم لمضة لمضة. 

*حمزة يسرح في يارا  جميلة وعينها بوني وشعرها اسود وطويل وجميل وملامحها السمراء مزودها جمال. 

يارا؛ ايه يعم رحت فين. 

حمزة؛ وهو مرتبك رحت في ابوكي هيجي امتي ويخلصني منك.

حب في الحظر

صدفة😍

https://youtu.be/xx-d10Z-p1U

-نهي تحدث نفسها وهي دخلها الجامعة ايه كل الطلبات دي دكاترة بتصعبها علينا اكتر ماهي صعبة، لا وامي تاخرني كمان عشان افطر.

 * كانت نهي تسرع لتلحق المحاضرة الاولي ، لتخبط بشخص وتوقع جميع اغراضها، تنزل نهي مسرعة تجمع اغراضها فينزل هو الاخر، وتتلاقي الاعين، فتخجل نهي وتنزل عينها.

عادل؛ اسف جدا.. متاخر علي المحاضرة. 

نهي؛ حصل خير. 

-نهي تحدث نفسها وهي تترك عادل دون حتي ان تنظر خلفها ايه الواد القمر ده والبدلة هتاكل منه حته، في حد يحضر محاضرته ببدل، وشكله كبير علي طالب. 

-عادل لنفسه بنت خجوله وجميلة وعينها كلها براءة. 

-تدخل نهي المحاضرة لتجد ان الجميع ينتظر الدكتور، فتاخد نفس عميق. 

-نهي لنفسها الحمد لله مش هطرد بيقولوا دكتور صعب، اما اقعد قدام. 

- دخل الدكتور فجلس الجميع، لتنظر نهي وتجد انه الشخص الذي خبط بها، . عادل يعرف نفسه ويبدا المحاضرة وينظر ويجد نهي فيبتسم لها، وهي تخجل وتنظر في الكشكول، لتنتهي المحاضرة سريعا. 

عادل ؛ ينادي نهي. 

نهي ؛ نعم يادكتور اسفة جدا على اللي حصل، مع انك اللي غلطان. 

عادل بابتسامة؛ انا اعتذرت ليكي، بس لو اتاخرتي تاني هتطردي زيك ذي اي حد. 

نهي ؛ على فكرة حضرتك اللي تاخرت، واحمد ربنا اننا عدينا الموضوع. 

عادل؛ هتعملوا ايه. 

نهي ؛ كنا محضرناش المحاضرة، وله حضرتك بس اللي بتطرد. 

عادل ؛ وايه لزمتها حضرتك، وانا غلطان اني نادتك كنت عايز اعتذرلك. 

نهي؛. حضرتك انا اسفه، انا عارفة اني دبش، وحياة عيالك ماتسقطني، والا امي هتموتني. 

عادل؛ افكر. 

نهي ؛ فكر وهتلاقي اني عياله وبتغلط وصدقني مستهالش اهتمامك. 

عادل ؛ طيب اسمك ايه. 

نهي؛ انا قلتلك عيلة وغلطت. 

عادل ؛ ماهو لو مقلتيش اسمك ايه هتعبرك غلطتي. 

نهي ؛اسمي نهي، الله يبارك في عمرك انا زي عيالك. 

عادل بضحك؛ عماله تقولي عيالك انا لسه صغير علي الكلام ده. 

نهي؛ حضرتك صغير وزي القمر كمان، بس اعتبرني اختك وبلاش تسقطني.. امي هتموتني. 

عادل؛ انتي اللي قمر. 

نهي؛ وشها احمر وسكتت وبصت في الارض. 

عادل؛ ايه ياعم بنتكسف ووشنا بيحمر امال فين الجراة. 

نهي ؛ وهي لم ترفع عينها من الارض ويتجه جسدها ناحية الباب، انا بوق يادكتور. 

عادل؛ طب انا عايز رقم بابا. 

نهي؛ ليه انا عملت ايه لكل ده. 

عادل؛ خطفتي قلبي. 

نهي ؛ كتبت الرقم ليه واعطته له من غير ماتنظر له. 

عادل ؛ اعتبرك موافقة. 

نهي تهز راسها بالموافقة. 

اعرفي ابنك 😍

• اعرفي ابنك من غير أسئلة من غير ضغوط بطريقة بسيطة اي ام عايزة تعرف ابنها بيفكر في ايه، بيخاف من ايه، بيحب ايه وبيكره ايه، وبيحب مين أكتر بابا والا ماما.. جواكي أسئلة كتيرة، الموضوع بسيط. 
• ممكن تعرفي من غير ما يحس منك انك بتحاولي تعرفيه، فبالتالي يحمي نفسه، لانه يشعر انكي تهاجمي حقوقه، خاصة ان الجيل ده ذكي جدا، و لذلك لازم تعرفي ابنك لكي تعرفي تحميه من العوامل الخارجية ومن المؤثرات الضارة. 
• اولا اتفقي بينك وبين نفسك ان اي نتيجة لازم اكون مستعدة لها وانك لن تعاتبي ولن تلومي ابنك ولن تاخذي موقف فوري، ولكن ستفكري في الأمر جيدا، ويكون موقفك مدروس. 
• ثانيا يكون رد فعلك  عادي وبسيط، تتقبلي الأمور كما هي، وليست كما تريدين، حتي تستطيع حل المشاكل التي تواجه ابنك، وتواجهك دون الدخول في مشدات مع صغيرك. 
• ثالثا أنتي هتعرفي ابنك بطريقة غير مباشرة، فتعاملي علي انك بتحكي قصة وكوني هادئة.. حتي لا ياخذ الطفل  منك موقف معادي ويفهم رغبتك في معرفته، فبتالي هيأخذ حذره بعد كده، ويعتبرك عدو يحاول التدخل في حدوده الداخلية الخاصة، ويسمعك مايرضيكي، وليست الحقيقة، فلا تصلي الي اي نتائج حقيقية. 

الحل عبارة عن قصص بسيطة مثالا؛

*ترغبي في  معرفة ابنك بيحب مين أكتر بابا والا  ماما هتحكي حكاية العصفورة وهي 

"كان هناك شجرة يوجد عليها ٣ عصافير، عصفور الأب  وعصفور الأم  والعصفور الصغير ابنهم، وهبت رياح قوية فطارت العصفور الأم علي شجرة، والعصفور الأب على شجرة.. تفتكر العصفور الصغير طار الي  أي شجرة اللي عليها العصفور الأم ام العصفور الأب ؟" 

حسب الاجابة ابنك هتعرفي تحددي ابنك  بيحب مين اكتر، وبتالي تدرسي الأسباب. 

* عايزة تعرفي ابنك بيخاف من ايه هتحكي قصة الطفل الصغير وهي" كان هناك طفل صغير خاف ويبكي.. تفتكر خايف من ايه؟ "

وهكذا اخترعي قصص وأسالي ابنك وسوف تعرفي ابنك بطريقه غير مباشرة، ومن غير ما يعتبرك فضولية، او حتي يكذب عليكي، أو تدخلي معه في مناقشات تؤدي الي العناد او غيره. 

وانتي بذكائك سوف تقدري تحلي المشاكل، وتقفي جمبه من غير هو مايعرف ودايما هتكوني سند له .