*ظلوا علي هذا الحال حتي انت انتهاء شهر رمضان، وحمزة ينتظر ان يارا تحدد معاد الفرح.حمزة؛ يارا اانا حفظت المصحف كله والحمد لله.يارا؛ أنت اصلا كنت حافظ نصه.حمزة ؛ أها الحمد لله أنا بحب اسمع قرآن علطول وعشان كده قدرت احفظه بسرعة، وأنتي ماشاء الله التزمتي بالحجاب وبتفكري في لبس الخمار.يارا ؛ الحمد لله أنا كنت فاكرة اني مش هخد الخطوة دي في حياتي وكنت حاسه ان ربنا غضبان عليا، بس الحمد لله كملنا بعض.حمزة؛ خلاص مش فاضل غير خطوة يعني واحنا في العيد وعايزن نفرح.يارا؛ احنا فرحنيين اهو وفي العيد وربنا انعم علينا.حمزة؛ أنتي فاهمه قصدي.يارا؛ لا مش فاهمة في ايه ياحمزة.حمزة ؛ لا مفيش حاجة برحتك، وربنا يصبرني علي البعد ده، بس أنا جبت اخري.يارا؛ بعد ايه ياحبيبي احنا كل يوم نكلم بعض وبنشوف بعض كل يوم.*حمزة وقف واقرب منها وقبلها في خدها.حمزة ؛ بس أنا عايزك قدامي ليل نهار، ومستني تحددي معاد بقي.يارا؛ حمزة عيب كده، وكل حاجة ليها وقتها.حمزة؛ برحتك أنا ماشي.يارا؛. حمزة متزعلش حقك عليا ياحبيبي.حمزة؛ هتحددي معاد امتي بقي.يارا ؛ أنا مش عايزة اسيب بابا "وبدات تعيط".حمزة ؛ خلاص يايارا متعيطش طيب، والا والله ابوسك.يارا؛ خلاص مش هعيط.حمزة ؛ طب يايارا احنا لازم نتجوز وبابا تبقي تعالي كل يوم شوفيه.يارا؛ بجد ياحمزة.حمزة ؛ طبعا ياحببتي، انا هحاول اسعدك واعملك كل اللي نفسيك فيه.يارا؛ خلاص الفرح بكرة.حمزة؛ لا انهاردة.. بعشقك يابت.* حددوا يوم الفرح، ويوم زفافهم كان يوم جميل، كانت يارا جميلة جدا بالحجاب على الفستان الأبيض، وحمزة كان شيك جدا، والفرح كان جميل، وملي بالمفآجات ليارا،وهما بيرقصوا سلو.حمزة ؛ فرح وله في الاحلام ياسندرلا.يارا؛ بصراحة فرح تحفة وأصحابك قمرات زيك، ده أنا أصحابي فرحانيين أوي.حمزة؛ وشكل حد هيتخنق انهاردة.يارا ؛ بس أنت أحلي قمر في الدنيا كلها وفي حياتي.. بحبك أوي.حمزة؛ أنا خفت اموت وماسمعاهش.يارا؛ بعد الشر عنك، وعمر ونور يتيتموا.حمزة ؛ عمر ونور مين؟.يارا؛ عيالنا.حمزة ؛ لا أنا مش هسمي عمر ونور.يارا ؛ لا خلاص بقي انا هروح عند أبويا.حمزة ؛ عمر ونور وأمري لله.*اتجوزوا حمزة ويارا.. وربنا رزقهم بعمر ونور وحياتهم كانت مليانه سعادة، ومساعدة للناس، وصلة رحم، وطاعة لله.النهاية
الأحد، 12 أبريل 2020
حب في الحظر 😍 😍 10
حب في الحظر 😍 😍 9
*اقترب حمزة من يارا وقبل جبينها وامسك يديها، يارا كانت تترعش ووجهها أحمر وكانت مكسوفة جدا.حمزة ؛ كانت هتكمل فرحتي لو كنتي مغطيه شعرك.يارا وهي بتبلع ريقها؛ وأنا كمان.حمزة ؛ أنا جعان.يارا؛ وأنا كمان.حمزة ؛ طلع عيني عشان اجهز.يارا؛ وأنا كمان.حمزة ؛ بحبك.يارا؛ وأنا......حمزة؛ سكتي ليه ها اشمعنا دي.*يارا وجهها يحمر وتنظر في الارض.حمزة؛ تعالي اغديكي بره يعم المكسوف وحتي ناخد كام صورة نوثق هذه اللحظة.*يارا تهز رأسها، حمزة يمسك يديها ويذهبوا إلي السيارة ،فتفوجيء يارا ببوكيه ورد يعطيها حمزة ليارا وتجد به كارت.حمزة؛ اقرأ بصوت عالي.يارا؛ بحبك ياحلم عمري من النهاردة أنتي هتحفظيني قرآن وأنا هساعدك تلبسي الحجاب وتلتزمي بيه، اقلبي الكارت ياقمري.*تقلب يارا الكارت لتجد صورة لها بالحجاب وكانت في غاية الجمال مكتوب علي صورة "حب في الحظر"، تضحك يارا بشدة.يارا ؛ مجنون بس تصدق شكلي في صورة حلو أوي أنا حبتني.حمزة ؛ موافقة تعتطفي عليا وتحفظيني القرآن وأنا ان شاء ربنا يعيني وخليكي تلبسي الحجاب وان شاء الله الخمار كمان.يارا ؛ ياريت ياحمزة وأنا موافقة.*يوصلوا الي مطعم جميل جدا، يدخلوا وأول مايدخلوا يطفيء النور، ويتسلط ضوء علي حمزة، حمزة يتحرك ليصل إلي بانر مكتوب عليه "بحبك طفلتي" وصورة ليها بالحجاب،يضيء النور مرة اخري يسقط بالونات عليهم وحمزة ينزل علي ركبته ويقبل يديها ويلبسها خاتم.حمزة ؛ بحبك أوووووي ونفسي تخشي تلبسي الطرحة دي.يارا ؛ يامجنون دي لون الفستان.حمزة؛ في واحدة هتساعدك تلبسيها وتعلمك ازاي تلبسيها.يارا ؛ أنت مجهز كل حاجة.*حمزة يضع يديه علي صدره ويعمل حركة عشان خاطري، يارا تهز رأسها بالموافقة وتدخل لترتديها، وتخرج تكون في اية من الجمال.حمزة؛ تسمحلي اتصور مع القمر في ليلة تمامه.يارا؛ اوفر أنت ياحمزة.حمزة ؛ تعالي يااختي.*يتصوروا عدة صور ويريها حمزة كم هي جميلة،يتغدوا الاتنين، ويروح حمزة يارا.*يكلم حمزة يارا في التليفون،وهو في الكمين.حمزة؛ وحشتيني.يارا ؛ أول ماوصلت البيت ماما وبابا كانوا مش مصدقين وفضلوا يقولوا ان شكلي حلو اوي.حمزة؛ وحشتيني.يارا بخجل ؛ وأنت كمان.حمزة؛ بحبك يامكسوف.يارا؛ اتلم ويلا عشان تحفظ.حمزة ؛ حاضر يمس.*حفظًت يارا حمزة، وهو كان نعمة الطالب، وكانت يوميا تمر من الكمين ويهزروا وهو يشجعها وهي تحفظه قرآن.
حب في الحظر 😍 😍 8
ابو يارا ؛ رأيك ايه يايارا.
يارا ؛ أنا مش عارفة افكر، أنا بحاول استوعب الصدمة.
أم يارا ؛ أنا عن نفسي موافقة أنتي طول عمرك نفسك في حد يرضي ربنا فيكي والولد مش عايز حاجة تغضب ربنا، وعشان يعرف يكلمك برحته، وتعرفوا بعض، وكمان الفرح قال انك أنتي اللي هتحدديه.
يارا ؛ طب افرض طلع مش كويس يبقي تحسب عليا جوازه.
ام يارا ؛ تفاؤل بالخير، وبعدين حتي زي ماأنتي بتقولي يبقي لا غضبتي ربنا ولاحاجة، وعمر ربنا ماهيكسر عشمك طلما قصدك خير، وكمان أنتي صليتي استخارة كذا مرة وحسيتي براحة.
يارا ؛ خلاص أصلي تاني وارد عليكم بكرة.
ابو يارا ؛ ماشي يابنتي.
*تصلي يارا صلاة استخارة، وتخبر والديها عن شعورها ويتفقوا هيقولوا ايه لحمزة.
*حمزة رغم ثقته التي كان يتكلم بها الأ انه كان قلقان جدا وعقله عمال يودي ويجيب هيوافقوا مش هيوافقوا، وكان قلبه يتمني ان يوافقوا، فهي محبوبته التي خطفت قلبه وطفلته التي يتمني ان يعيش الحياة معه، أثناء ما كان حمزة مشغول في تفكيره وهو في الكمين، يرن تليفونه.
ابو يارا ؛ السلام عليكم.
حمزة؛ عليكم السلام ورحمة الله وبركاته.
ابو يارا ؛ احنا موافقين يابني.
حمزة ؛ وحياة أبوك ياشيخ، الله يبارك في عمرك ويفرح قلبك.
ابو يارا (وهو يضحك) ؛ ويفرح قلبكم ويكملكم علي خير، أنا واثق فيك ياحمزة أنت زي ابني.
حمزة ؛ ربنا يقدرني واكون قد ثقتك،ويعيني وأسعد يارا.
*قفل حمزة مع ابو يارة وذهب ليحضر من السوبر ماركت حلويات ومشروبات وأعطي كل من في الكمين وذلك من سعادته.
*مر الأسبوع سريعا عليهم فايارا كانت تجهز نفسها، تذهب لنشتري ما تحتاجه وبين عمالها في المستشفى ، وحمزة كان بين عمله وبين تجهيز نفسه.
*جاء حمزة ليأخذ يارا الساعة ١ظهرا، كان يرتدي بدلة وكان يبدوا أنيقا جذابا، نزلت يارا وأول ماكانت خارجة من باب العمارة خطفت عيون حمزة فكانت ترتدي فستان نبيتي جعل منها أميرة وشعرها فرمة تحفة.
*ذهب الجميع الي المأذون وكتب الكتاب.
حب في الحظر 😍 😍 7
يارا؛ حمزة أنا عايزك تفهمني وتسمعني للأخر.
حمزة ؛ حاضر.
يارا ( بتوتر) ؛ أنا مش عايزة علاقتنا تغضب ربنا.
حمزة ؛ نعم ياأختي وهي غضبت ربنا في ايه إن شاء الله.
يارا؛ احنا اتفقنا من غير ماتقطعني ياسيادة الظابط.
حمزة ؛ أنا أسف.. بس بداية مستفزة.
*يارا تنظر إليه من تحت وترفع حاجبها له،فيضحك حمزة.
يارا ؛عارف لو اقطعتني تاني مش هيحصل طيب.
حمزة؛ هتعملي ايه.
يارا ؛ هعمل زعلانه.
حمزة ؛ وأنا مقدرش علي زعلك.
يارا؛ بص ياسيدي أنا في اتفاق بيني وبين نفسي كده أنا لو اتخطبت لحد بحبه زي مانفسي، عمري ماهغضب ربنا عشان ربنا يبارك في علاقتنا وتكمل، وياما شفنا ناس اتخطبوا وكانوا بيعشقوا بعض وبعدين فشلت أي كان الأسباب، وكمان هحاول أقرب من ربنا، ولو خطيبي ساعدني يبقي دي علاقة راضي عليها ربنا وهتكمل علي خير،أنا مش هتجوز واطلق عشان تبقي فاهم.
حمزة يضحك؛ أنتي كبرتي في نظري أوي، وأنا كمان بحبك أوي ونفسي علاقتنا تكمل علي خير.
يارا ؛ أنا اقوله ايه يقولي ايه.
حمزة؛ مش أنتي لسه قايله بحبك، اكسفك يعني.
يارا؛ أنا بتكلم بجد.
حمزة؛ أنا كل يوم بصلي الفجر وأنتي بتصليه.
يارا ؛ أها.. أنا مشكلتي اللي بجد الحجاب خطوة صعبة عليه، تخيل أنا حفظه القرآن كله ومش عارفه ألبس حجاب.
حمزة؛ خلاص ياستي دي سهلة جدا.
يارا؛ لا دي صعبة أوي أوي "وكانت علي وشك البكاء ".
حمزة ؛ وأنا بقولك هتبقي سهلة ولاتزعلي نفسك، واعملي حسابك بعد أسبوع كتب كتابنا.
*تقف يارا وتقول.
يارا ؛ نعم ياأخوية.
حمزة؛ اظهري علي حقيقتك يابيئة.
*يارا تجلس ووشها يحمر، وتشعر بالاحرج من اللي عملته، يدخل ابو يارا في ايه صوتك عالي ليه.
حمزة؛ اعمل حسابك ياعمي ان كتب الكتاب بعد أسبوع.
ابو يارا؛ ليه كده يابني هو أنتوا لحقتوا تعرفوا بعض.
حمزة؛ حضرتك سئلت عني ولو شايف اني مستهالش بنتك، أنا بعتذر لحضرتك، بس أنا شايف نكتب الكتاب والفرح تبقي تحدده العروسة.
ابو يارا ؛ بص احنا هنفكر ونرد عليك بكرة.
حمزة؛ ماشي ياعمي، عايز حاجة.
ابو يارا ؛ شكرا يابني.
الخميس، 9 أبريل 2020
حب في الحظر 😍 😍 6
*حمزة يتصدم من ردها، وشعر انه ثقيل عليها، ومش فاهم لماذا هي تقول هذا؟، ولماذا تفعل معه هذا؟ ، وهما مخطوبين.
حمزة ؛ماشي يايارا اللي تشفيه.
*يارا تشعر بحزن حمزة، وانه اتجرح من طريقتها، فتقفل باب العربية وتقول له.
يارا؛ أنا أسفة ياحمزة، بس بابا قالي بلاش كلام في التليفون ولو في يكون علي قد.
حمزة( باستعجاب) ؛ احنا مخطوبين.
يارا ؛ حمزة أنا عايزة اقولك كلام كتير عني عشان تفهم تصرفاتي وتعرفني أكتر، ابقي تعالي زارنا بكرة وأنا أقولك كل حاجة.
حمزة؛ ممكن كل الكلام يتقال في التليفون يايارا.
يارا ؛ أنا أسفة ياحمزة.. بس من فضلك اصبر وافهمني.
*حمزة يهز رأسه بالموافقة ،ويسير بالسيارة مسرعا من أمامها، يارا تصعد إلي المنزل وتدخل تغير هدومها وتنام، في الصباح تخبر يارا والدها وأمها انها عزمت حمزة علي الغداء، وتطلب من والدها ان يؤكد العزومة.
ابو يارا ؛ عزمتيه ليه يايارا مش تعرفني الأول، وحتي تيجي مني مش منك.. عيب كده يابنتي.
يارا ؛ أسفة يابابا، أصل حمزة كان عايز نتكلم في التليفون وأنا مش حبه كده، وعشان كده قلت يجي نتكلم أقدمكم وافهمه دماغي.
ابو يارا ؛ ماشي يايارا.
أم يارا؛ قدامي علي المطبخ نعمل ليه غداء يااخرة صبري.
*يتصل ابو يارا بحمزة ويؤكد عليه العزومة.. يأتي حمزة ويحمل ورد وفاكهه وهديةبسيطة.
ابو يارا ؛ ملوش لزوم الكلام ده تيجي فاضي بعد كده وله هزعل منك، وكمان عايزنكم تخلصوا بسرعة عايزين نفرح بيكم.
حمزة؛ حاضر ياعمي.
*يوضع الغداء ويتجمع الجميع علي السفرة، يارا كانت جميلة ترتدي بجامة بامبي وشعرها ديل حصان وترتدي توكه بامبي زي الاطفال، حمزة كان يختلس النظر لها من كل حين لأخر.. يشبع حمزة ويقوم من علي الأكل.
أم يارا ؛ كمل الأكل وألا الأكل مش عجبك.
حمزة ؛ لا ده الأكل جميل.
يارا( وهي تبتسم) ؛ عمايل ايديه، كمل أكل بقي عشان شكلي قدامهم.
حمزة( يبتسم) ؛ تسلم ايديك بس أنا شبعت وأكتر من كده هنفجر.
حب في الحظر 😍 😍 5
*حمزة حاول ان يمسك يد يارا لكي يذهبوا إلي السيارة .
يارا؛ عارف لو مسكت ايدي هديك بالبوكس في وشك، اخلي وشك شوارع.
*حمزة يضحك بشدة.
حمزة؛ هتقدري تخلي وشي شوارع.
يارا ؛ أها اقدر ليه مقدرش صغيرة.
حمزة ؛ طب يلا قدامي، بدل مااشيلك أخدك علي المأذون دلوقتي حالا، عشان اشوف موضوع تقدري ده.
*يارا كانت تسرع خطواتها أمامه لدرجة انها تصل للجري، وحمزة يضحك عليها.. ثم وصلوا إلي السيارة .
يارا؛ دي العربية.
حمزة؛ اها هي دي.
يارا؛ مش حلوة على فكرة عربيتي أحلي.
*حمزة فتح لها باب السيارة .
حمزة ؛ اركبي اركبي دي أحدث موديل ياهانم.
*يارا بعد ما ركبت السيارة وحمزة ركب هو الآخر السيارة، (قالت يارا وهي تصتنع الحزن) .
يارا ؛ قصدك ايه ان عربيتي قديمة.
حمزة ؛ لا ياحبيبتي.. وان شاء الله أول مانتجوز اجيبلك أحدث عربية ياستي.
يارا ؛ حبك برص، لا أنا بحب عربيتي أوي.
*حمزة اقترب من وجهها ورفع يديه ليضربها ثم ضم يديه مرة أخرى، وكتم غيظه.
حمزة ؛ لو طولتي لسانك تاني مش هيحصلك طيب.. وليه بقي بتحبي عربيتك.
يارا ؛ لا أنت تنزلني هنا.. ده أنا مفيش غير لسان.
*حمزة يضحك بشدة، ويقول.
حمزة؛ خلاص ماتزعليش بس أنا ظابط ومتعود الناس تحترمني وكده، ده بعد اذنك يعني.
يارا؛ ماشي هفكر.. بص ياسيدي العربية دي بابا جبها ليا أول ماتخرجت وقالي( عشان تروحي بيها المستشفي) ، وعلمني السواقة عليها.
حمزة؛ شكلك بتحبي بابكي جدا.
يارا ؛ ده أحسن حد في الدنيا كلها، أحلم بس وهو يحقق حلمي وبيجي علي نفسه عشاني، وبيدافع عني لما ماما تحب تقرص وداني.
حمزة ؛ أنتي جميلة أوي.
*يارز وجهها يحمر من الخجل وتقول له.
يارا ؛ وصلنا الحمد لله.
حمزة؛ ياخسارة هبق اكلمك في التليفون نكمل كلمنا.
الثلاثاء، 7 أبريل 2020
حب في الحظر 😍 😍 4
يارا؛ يابابا.
حمزة ؛ ياجبانة.
ابو يارا؛ في ايه تاني لاحقتوا تتفقوا.
يارا ؛أنا موافقة علي أي حاجة تتفقوا عليها يابابا.
*خرجت يارا من غرفة الجلوس، وهي خارجة اخرجت لسانها لحمزة.
حمزة لنفسه؛(عيله عيله مفيش كلام) .
*اتفقوا هو والدها علي كل شي وان الخطوبة بعد أسبوع والفرح بعد انتهاء الحظر.
*انتهي الأسبوع سريعا فكلا منهم كان مشغول في عمله والتجهيز للخطوبة.
حمزة؛ مبروك ياقلبي.
يارا ؛ خلاص كده الدبلة لبستها.. شيل أيدك بدل مااقطعها.
حمزة ؛ في واحدة تقول كده لخطيبها يوم الخطوبة.
يارا؛ أنا مش قلت يبقي في عادي، واحمد ربنا اني سيبتك تلبسهالي.
حمزة؛ امال مين هيجي لبسهالك.
يارا ؛ أنا.. هو أنا صغيرة،ده حتي شاطرة وبعرف ألبس الخواتم لوحدي.
حمزة؛ (وهو يضحك) ماشي يعم الجامد.. بس ايه القمر ده.
*كانت يارا ترتدي فستان كشمير اعطا سمرتها جمال وميكاجها البسيط زاد من جمالها وشعرها الذي كان علي كتفها يخطف النظر.
يارا (لتغير الموضوع) ؛ ايه في حد يتخطب كده.
*كانت تشاور علي النادي.. الخطوبة كانت في نادي لايوجد الأ عدد قليل جدا من أهل حمزة وأهل يارا وهو عدد قليل جداً ، ولايوجد موسيقي، وكانت تقام الساعة ٣ مساء.
حمزة؛ اعمل ايه يعني دي ظروف البلد اعترضي بقي عشان احبسك.
يارا؛ وعلي ايه ياخوية أنا صغيرة علي الحبس.
حمزة ؛ أنتي كده كده هتتحبسي.
يارا ؛ ليه ان شاء الله.
حمزة؛ في بيتي ان شاء الله.
يارا (وجهها أحمر من الخجل) ؛ يابابا.
حمزة ؛ هو أنتي كل أما تتزنقي يابابا.
يارا ؛ اها.. (واخرجت لسانها له) .
ابو يارا؛ نعم ياخرة صبري.
يارا ؛ الساعة ٥.. صح ياحضرت الظابط.
حمزة ؛ اها يلا بينا.. "ونظر لليارة نظرة خبيثة وابتسم" وبعد اذنك ياعمي أوصل يارا أنا.
ابو يارا؛ ماشي يابني،بس تكون في البيت قبل الحظر.
يارا؛ ايه يعم أنت امسك فيا شويه.
الأحد، 5 أبريل 2020
حب في الحظر 😍 😍 2
يارا ؛ مكنش العشم ياقمر.
*حمزة أسمر البشرة عيونه خضراء مفتول العضلات.
حمزة ؛ أنتي لمضة أوي، ازاي بجد دكتورة.
يارا ؛ أنا بحب الهزار والضحك، من كتر اللي بشوفه في المستشفى، بقيت مقتنعة ان الدنيا قصيرة جدا.
حمزة؛ أنتي دكتورة في ايه بقي.
يارا ؛ دكتورة في قسم الطوارئ حضرتك.
حمزة؛ ياعيني يابنتي.
يارا بغمزة؛ صعبت عليك ها، يبقي الصنارة غمزت.
حمزة؛ أنتي واقعة بقي.
يارا ؛ جدا أنت بصيت في المرايا قبل ما تطلع من البيت، أنت عينك خضراء يابني.
حمزة وهو يضحك ؛ ياسلام.
يارا ؛ عارف أنا لو عيني خضراء كنت عملت ايه، كنت عيشت بره مصر، في شرم الشيخ مثلا.. ياه ياجدع.
حمزة ؛ وهو بيضحك من قلبه أنتي مصيبة وبعدين شرم الشيخ جوه مصر.
يارا ؛ بجد "وهي تخبت ايديها علي رجلها" محدش قالي.
حمزة؛ لا أنتي مشكلة.
*كان ه امين الشرطة آتي إليهم ومعه كارنية يارا، فوقفت يارا بسرعة، وذهبت إلي أبيها، وقبلت يديه واعتذرت له، فوجئ حمزة من موقف يارا اتجاة والدها.. وشعر بمدي احترامها وتقديرها لوالدها.
حمزة؛ شكرا يافندم ومتأسفين لو نزلنك وقت الحظر.
ابو يارا ؛احنا اللي أسفين يابني،ويلا يايارا جري علي شغلك أنتي عندك رسالة لازم تأديها.
* يارا ذهبت إلي سيارتها مسرعة وذهبت الي المستشفى دون ان تودع حمزة وذلك ضايقة جدا، وووالدها سلم عليه واعتذر له وذهب.
*حمزة فضل يفكر في المجنونة التي خطفت قلبه وكان يشعر بالحزن لانها تركته وذهبت دون ان تسلم عليه.
*وكانت يوميا يارا تمر من الكمين وتسلم علي حمزة وتهزر معه وتذهب إلي عملها وهو يظل يفكر فيها، وكانت هي كمان تفكر فيه. . لحد اما يوم حمزة قالها.
حمزة ؛ بحبك وعايز ارتبط بيكي.
يارا ؛ حضرتك شايفني كده شكرا ياحضرة الظابط أنا بنت ناس واللي متردهوش علي نفسك متردهوش علي غيرك، وشكرا أوي.
* وسارت بسيارتها مسرعة ، حمزة لم يكن يعرف ماذا يفعل، مر أسبوع ولم تمر يارا من الكمين، وهو مشتاق جدا لها، فكر وقال سوف اذهب إلي المستشفى واعرف عنوان منزلها، وفعلا فعل ذلك.
مع
حب في الحظر 😍😍 1
*كانت تسير بالعربية مسرعة لتقف في الكمين، ويتقدم الظابط وهو غاضب جدا.
*تنظر له يارا وتقول وهو يتقدم نحوها.
يارا ؛ ياخربيت لون عينيك.
يسمعها حمزة فيبتسم ،ولكن بشدة يقول.
حمزة؛ الرخص ياانسة ورايحة فين وقت الحظر.
يارا؛ اتفضل الرخص، بنسبة بقي لرايحة فين انت مالك.
حمزة؛ نعم يااختي.
يارا؛ لا بقولك ايه اتكلم بااسلوب احسن من كده والا هبلغ عنك.
حمزة؛ وهو يضحك انا كمان اللي هتبلغي عني،انتي شاربة ايه.
يارا ؛ عصير برتقال وانا مبحبوش .. والله ماما اللي غصبه عليا، يع.
حمزة ؛ انتي هتحكي ليا قصة حياتك، رايحة فين، وله هخدك القسم دلوقتي.
يارة؛ براحة علي نفسك، انا غلطانه اني بتكلم معك، انت هتصحبني.. انا ياسيدي دكتورة وعندي شيفت في المستشفى اللي في اخر الشارع.
حمزة؛ بتريقة.. دكتورة.
يارا ؛اها دكتورة.
حمزة ؛ ممكن الكارنية يادكتورة.
يارا؛ اها طبعا.
*تبحث يارة عن الكارنية ولن تجده، فتبلع رايقة بصعوبة وتقول.
يارا؛ طبعا دلوقتي هتاخدني علي القسم تشلوحني، وطبعا ليك حق، كفاية طولت لساني.. ودي طبعا مش اخلاق دكاترة.
حمزة ؛ وهو يضحك ايوة انتي شاطرة وعارفه اهو.
يارا ؛ طبعا ولو حلفتلك علي مياه تجمد مش هتصدقني.
حمزة ؛ اها ده انتي هيطلع عينك.
*يارا وبدات تصتنع البكاء وتقول .
يارا ؛ انا والله دكتورة وهتصل بابا يجيب الكارنية ويجي ياباشا.
حمزة؛ وهو يضحك طيب اركني وتعالي اقعدي في الكمين لحد اما باباكي يجي.
*يارا اتصلت باابيها وهو زعق لها في التليفون وقالي جاي وهي ركنت وراحت اقعدت في الكرسي اللي جمب حمزة.
حمزة ؛ انتي دكتورة انتي.
يارا ؛ عادي يعني، زي ماانت حلو وشبه الممثلين وظابط.
حمزة ؛ وهو يبتسم لمضة لمضة.
*حمزة يسرح في يارا جميلة وعينها بوني وشعرها اسود وطويل وجميل وملامحها السمراء مزودها جمال.
يارا؛ ايه يعم رحت فين.
الاشتراك في:
الرسائل (Atom)
-
4 سبتمبر 2021 · بنت البواب ٢ ×وكمان هديك ٢٠٠٠ جنيه في الشهر بعد كده لو وافقت . *هشوف ربنا يسهل . بابا جه وكأن فرحان جدا ،وانا وماما وا...
-
بنت البواب كن ت ببيع فل وورد زي كل يوم بهدوم المدرسة ،و كالعادة روحت بعد العشاء . أمي بنبرة حنونة : # حمد لله علي سلامتك . _امسكي الفلوس ...
-
مني اللي عاشت وضحت عشان اولادها،مستنيه نتيجة صبرها وتضحيتها. ابنها الكبير بيزعق فيها وبيشتم وبيقل ادبة لانه شيفها ضعيفة مغلوب علي امرها، ا...